कालिकोट जिल्लाको शुभकालिका गाउँपालिका वडा नं ५ बोहोरा पातल मड्या खोलामा लडेर ६८ वर्षका जयरुप रोकायाको निधन भएको छ ।
बिहीबार बैंकमा पैसा झिक्न पालिका हिडेका बोहोराको मृत अवस्थामा लास भेटिएको हो । रोकाया बिहीबार घर नआएपछि खोजिगर्न गएका बैनि जुवाई काली बहादुर बोहोराले मृत अवस्थामा जेठानको लास शुक्रबार बिहान भेटाएको बताए । उक्त ६८ वर्षीय रोकाया वृद्ध भत्ता लिन पालिकाको कृषि बैंकमा बिहीबार घर बाट निस्किएका थिए।
मृतक जयरुप रोकायाको कसरी घटना भएको हो ? घटना बारे थप अनुसन्धान भईरहेको सुकाटीया प्रहरी चौकिका हवल्दार जयचन्द्र चदराले बताएका छन। मृतक रोकायाको दुई छोरा र पाँच छोरी रहेका छन।
