काठमाडौं । चलचित्र ‘१२ गाउँ’को पहिलो गीत सार्वजनिक गरिएको छ । विराज भट्टको निर्माण तथा निर्देशन रहेको चलचित्रको पहिलो गीत ‘सिनेमा हेर्न जाउँ’ आज सार्वजनिक भएको हो ।
गीतमा विराज भट्ट र अर्जुन पोखरेलको शब्द छ । अर्जुन पोखरेलले संगीत गरेको गीतमा स्वर बलिउड गायक नकाश अजिजको छ ।
रोमान्टिक गीतमा डेव्यु अभिनेता तथा विराज भट्टका छोरा समीर भट्ट र अभिनेत्री सोनु चन्द्रपाल फिचर्ड छन् ।
सोनु गुजराती तथा दक्षिण भारतीय सिनेमा र टेलिभिजन सिरियलकी अभिनेत्री हुन् । उनको यो पहिलो नेपाली चलचित्र हो ।
‘१२ गाउँ’मा समीरसँगै विराज भट्ट, पूर्वमिस नेपाल इन्टरनेशनल न्यान्सी खड्का, मोडल सनिशा भट्टराई, मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाललगायतको अभिनय छ ।
विराज स्वंयमले चलचित्रको कथा लेखेका छन् । सन्तोष सरकारको पटकथा तथा संवाद लेखन रहेको चलचित्र असोज २४ गते रिलिज हुनेछ ।
