सुर्खेत । कर्णाली प्रदेशको राजधानी वीरेन्द्रनगरका विभिन्न ठाउँमा कानमा लगाएका सुन लुछ्दै चोर्ने एक जना पक्राउ परेका छन् । अभिभाववको उजूरीका आधारमा सुर्खेत प्रहरीले बालकालिकाहरुका कानमा लगाएका सुन लुछ्दै फरार हुने ति व्यक्तिलाई पक्राउ गरेको हो ।
पक्राउ पर्नेमा वीरेन्द्रनगर–१ बाँगेशीमल सुर्खेतका सञ्जय टमटा रहेको जिल्ला प्रहरी कार्यालय सुर्खेतका प्रमुख रुपेश खड्काले जानकारी दिए । २१ वर्षीय टमटालाई प्रहरीको विशेष टोलीले यरिचोकबाट पक्राउ गरिएको छ।
ति व्यक्तिले वीरेन्द्रनगरका यरिचोक, फोरलेन सडक र भैरवस्थान लगायतका ठाउँमा खेलिरहेका र स्कुल जाँदै गरेका बालबालिकाको काममा लगाएको सुन लुछ्दै भाग्ने गरेको प्रहरीको प्रारम्भीक अनुसन्धानको क्रममा खुलेको छ ।
‘भर्खरै पक्राउ गरेर अनुसन्धान शुरु गरेका छौं, कति जना बालबालिकाको सुन चोरे भन्ने विस्तारै खुल्छ,’ प्रमुख खड्काले भने, ‘यो गिरोहमा अरुको पनि संलग्नता हुन सक्ने भएकाले खोजी कार्य जारी राखेका छौं ।’
